Skip to main content

Haji Manara

By -

 

            

                       


Kilichomng’oa Manara Simba hiki hapa

THURSDAY JULY 29 2021
manara pic
ADVERTISEMENT
By Mwandishi Wetu

MWISHO wa zama. Kama utani Haji Manara leo hii amebaki kuwa mwanachama na shabiki tu wa Simba, baada ya kupigwa chini na nafasi yake kupewa aliyekuwa ofisa habari na kaimu katibu mkuu wa klabu hiyo, Ezekiel Kamwaga.

Simba jana ilitangaza mabadiliko yaliyotarajiwa baada ya mzozo ulioibuka siku chache kabla ya mechi ya fainali ya Kombe la ASFC kati ya timu hiyo na Yanga uliochezwa Jumapili iliyopita mjini Kigoma.

Inaelezwa uhusiano usioridhisha na wanahabari, baadhi ya wadau wa soka na utovu wa nidhamu kwa Mtendaji Mkuu wa Simba, Barbara Gonzalez ni sababu zilizochangia kwa kiasi kikubwa kumng’oa Manara ndani ya nafasi hiyo iliyompatia umaarufu mkubwa hasa dhidi ya Yanga.

Licha ya kuvumiliwa kwa muda mrefu na klabu hiyo, kukithiri kwa migogoro ya mara kwa mara baina ya Manara na wanahabari za michezo katika siku za hivi karibuni kunaonekana kuifanya Simba ichukue uamuzi mgumu wa kuridhia ombi lake la kujiondoa katika nafasi aliyoitumikia tangu 2014.

Miongoni mwa wanahabari za michezo ambao kwa nyakati tofauti wamekwaruzana na Haji Manara ni Shaffih Dauda, Prisca Kishamba, Yusuph Mkule, Maulid Kitenge, Abdul Dunia na Ahmed Kivuyo. Pia amewahi kukwazana na maofisa habari wenzake Zaka Zakazi (Azam FC), Hassan Bumbuli (Yanga) na Masau Bwire wa Ruvu Shooting.

Lakini kitendo cha Manara kutoa kauli kumshambulia Barbara kupitia sauti iliyosambaa katika mitandao ya kijamii kimemuweka matatani zaidi kwa mabosi na mashabiki wa Simba. Katika sauti hiyo, alisikika akimtuhumu Barbara kuwa amekuwa akimfanyia visa na kumlaumu kwa kuhujumu timu.

ADVERTISEMENT

“Mimi sinunuliki kwa thamani yoyote ya pesa, unataka kunifedhehesha mimi, watu gani mimi hata gari yangu ilipita Posta, Kigamboni mimi naendaje, kwa hiyo mimi nitoke Posta niende Kigamboni kwenye kambi ya wale,” alisikika Manara.

Sauti hiyo ya Manara akimshambulia Barbara ilionekana kukwaza wengi na mmojawapo ni Mjumbe wa Bodi ya Wakurugenzi ya Simba, Zacharia Hanspope aliyesema ofisa habari wao huyo alionyesha utovu wa nidhamu kwa kurekodi na kusambaza sauti hiyo.

“Amekosa maadili kama hakuridhika na alichofanyiwa na CEO na yeye ni binadamu kama wengine anaweza kuwa anakosea, lakini sio kwa namna aliyoitumia angeweza kwenda ngazi za juu apeleke malalamiko kwenye bodi,” alisema Hanspope

Kauli hiyo ya Hanspope ni kama iliichochea Bodi ya Wakurugenzi ya Simba chini ya mwenyekiti Mohammed Dewji kuamua kumuweka kando Manara na kumtangaza Ezekiel Kamwaga kuwa atakaimu nafasi hiyo kwa muda wa miezi miwili.

“Tunamshukuru kwa maneno aliyoyatumia kutuaga Wanasimba katika kundi la viongozi wa Simba (Simba HQ), kwa kazi aliyoifanyia klabu katika kipindi alichoshika nafasi na inamtakia kila heri katika shughuli zake,” taarifa hiyo ya klabu ilisomeka hivyo.

“Mara baada ya kukamilika kwa maboresho ya idara ya habari na mawasiliano na Idara nyingine, klabu itatangaza fursa mbalimbali za ajira katika kipindi cha wiki chache zijazo.”

Wakizungumza kwa nyakati tofauti jana, wadau mbalimbali wa soka wamesema hawashangazwi na uamuzi huo wa Simba.

“Sio jambo jema kwa wana michezo kutokana na ukweli usiopingika kuwa Haji ameitengeneza ‘brand’ (nembo) ya Simba kuwa kubwa lakini kunapotokea migongano ya kimaslahi kwenye taasisi lazima mmojawapo awajibike.

“Hivyo Simba wanapaswa kutafuta mtu ambaye atakuwa ni zaidi ya Manara ili baadaye isitokee mfanano wa Manara na mwingine kitu ambacho watakuwa wakikiishi kwa sasa kutoka kwa mashabiki zao,” alisema Mtendaji Mkuu wa zamani wa Azam FC, Saad Kawemba

Mchambuzi wa soka, Alex Kashasha alisema alitegemea jambo kama hilo kutokea ili kulinda sura ya taasisi.

“Hayo ndiyo maisha binafsi, imetokea kwa wakati sahihi kutokana na miiko ya taasisi yao imeona inatosha kwake kuendelea kuwepo kutokana na mgogoro ambao umetokea na mabosi wake, hivyo kwa Simba kuachana naye ni jambo la kawaida kwa kuwa Simba ni kubwa kuliko mtu yeyote,” alisema.

Rais wa zamani wa Simba, Ismail Rage alisema: “Nadhani viongozi wanajua zaidi kuhusiana na hili, lakini pia kwa kawaida unapokuwa na mgogoro na mabosi wako unategemea itatokea nini? Hivyo mabosi wanajua sababu nyingine za kuachana naye zaidi ambazo ninazifahamu.”

ADVERTISEMENT

Comments

Post a Comment

Popular posts from this blog

By -
Image
  Mwananchi Habari Zaidi Kitaifa Ongezeko kodi ya majengo kupitia luku kuanza kesho THURSDAY AUGUST 19 2021           Summary Wakati ulipaji wa kodi ya majengo kupitia manunuzi ya luku ukianza kesho, Ijumaa Agosti 20, 2021 kumekuwa na ongezeko la kodi hiyo kwa viwango tofauti.    ADVERTISEMENT By Aurea Simtowe More by this Author Dar es Salaam.   Wakati ulipaji wa kodi ya majengo kupitia manunuzi ya luku ukianza kesho, Ijumaa Agosti 20, 2021 kumekuwa na ongezeko la kodi hiyo kwa viwango tofauti. Hiyo ikiwa na maana kuwa sasa walio na nyumba za kawaida ndani ya kiwanja kimoja watalipa Sh12, 000 kutoka Sh10, 000 iliyokuwa ikitozwa awali na Sh60, 000 kwa kila sakafu ya ghorofa kutoka Sh50, 000. Kwa upande wa Halmashauri za Wilaya na Miji Midogo wao pia wataguswa na ongezeko hilo licha ya wao kuwa na ahueni kwani watalipa Sh60, 000 kwa nyumba za ghorofa bila kujali idadi ya sakafu Kwa mujibu wa taarifa iliyotolewa na Kamishna Mkuu wa Mamlaka ya Mapato Tanzania, Alphayo Kidata leo inaeleza
Read more

Mtaka: Hali si nzuri Dodoma, chukueni tahadhari dhidi ya Covid-19

By -
Image
  Mwananchi Habari Zaidi Kitaifa Mtaka: Hali si nzuri Dodoma, chukueni tahadhari dhidi ya Covid-19 TUESDAY AUGUST 03 2021           Mkuu wa Mkoa wa Dodoma Anthony Mtaka Summary Mkuu wa Mkoa wa Dodoma Anthony Mtaka amewataka wakazi wa Dodoma kuchukua hatua za tahadhari dhidi ya ugonjwa wa corona kwa sababu hali si nzuri mkoani humo. ADVERTISEMENT By Sharon Sauwa More by this Author Dodoma . Mkuu wa Mkoa wa Dodoma Anthony Mtaka amewataka wakazi wa Dodoma kuchukua hatua za tahadhari dhidi ya ugonjwa wa corona kwa sababu hali si nzuri mkoani humo. Ameyasema hayo leo Jumanne Agosti 3, 2021 wakati akizungumza na askari wa usalama wa barabarani na viongozi wa masoko wa mkoa wa Dodoma. Amewataka askari hao, viongozi wa masoko na wafanyabiashara kuhakikisha wanachukua hatua za kujikinga katika maeneo yao kwa kuvaa barakoa na kunawa maji tiririka na sabuni au kutumia vitakasa mikono. Pia amewataka askari wa usalama wa barabarani kuhakikisha watu wote wanakaa kwenye viti (level seat) kwenye dalad
Read more

ZaidiKitaifa VIDEO: DC Handeni aonya wanaonyonya maziwa ya wake zao

By -
Image
  Mwananchi Habari Zaidi Kitaifa VIDEO: DC Handeni aonya wanaonyonya maziwa ya wake zao WEDNESDAY AUGUST 11 2021           Mkuu wa wilaya Handeni, Siriel Mchembe Summary Imeelezwa kwamba sababu inayowafanya wanaume hao kunyonya maziwa ya wake zao wanaonyonyesha nyingine zinatokana na imani za kishirikina. ADVERTISEMENT By Rajabu Athumani More by this Author Handeni.  Wanawake wanaonyonyesha wilayani Handeni mkoani Tanga, wamemuomba Mkuu wa wilaya hiyo, Siriel Mchembe kuwasaidia kupaza sauti na kukemea wanaume wao kuacha tabia ya kuwanyonya maziwa kwasababu wanawafanya watoto wasipate maziwa ya kutosha. Ombi hilo wamelitoa leo Jumanne Agosti 10, 2021 kwa Mchembe kwenye maadhimisho ya wiki ya unyonyeshaji yaliyofanyika katika mji mdogo wa Mkata na kusema ana taarifa kuwa baadhi ya wanaume wamekuwa na tabia hiyo wakihusishwa na imani za kishirikina. "Niwashauri wale wanaume mnaonyonya maziwa ya wake zenu muache,mnatumia chakula cha watoto wenu na hiyo inasababisha mtoto kupata utapia
Read more